• Tú fært ein ítøkiligan amboðskassa til alla HR-tilgongdina frá rekruttering til pre-boarding, on-boarding off-boarding
• Tú fert at skilja hvussu sálarfrøðilig trygd kann gjøgnumsúrga allar HR-disciplinir
• Tú fert at vera før/ur fyri at halda setanarsamrøður og siga fólk úr starvi á ein professionellan hátt við virðing fyri persóninum.
• Tú fert at hava praktiskar royndir við at gera on-boarding- og off-boardingætlanir
• Vera før/ur fyri at gera MUS-samrøðurnar virðisskapandi heldur enn bert ein formalitetur

Skeiðið sameinar ástøði, praksis, venjingar og reflektión fyri at tryggja eina læruríka og brúkiliga uppliving.

Skeiðið sameinar ástøði, praksis, venjingar og reflektión fyri at tryggja eina læruríkt og brúkiligt skeið.

Skeiðið er ætlað øllum HR-leiðarum og starvsfólkum, stjórum, leiðarum, nevndarfólkum og øðrum, sum hava við setanir og uppsagnir av starvsfólki at gera.

Umframt undirvísing við royndum undirvísara er tilfar og fullur kostur íroknaður. Morgunmatur, frokost, drekkamunnur við desert seinnapart. Kaffi/te/smákøkur allan dagin. Skeiðið er 1,5 dag. Seinna dagin er góður morgunmatur íroknaður.

Dagur 1

Sálarfrøðilig trygd – tann reyði tráðurin í allari HR-tilgongdini

• Hvat er sálarfrøðilig trygd, og hví er tað avgerandi í HR?
• Hvussu skapar tú eina mentan, har starvsfólkini tora at vera við og seta spurningar?
• Praktisk amboð til at tryggja sálarfrøðiliga trygd í øllum HR-tilgongdum

Rekruttering – skapa eina tilgongd, sum dregur røttu umsøkjararnar at sær

• Stig-fyri-stig vegleiðing: Hvussu økir tú um møguleikan at finna rætta matchið?
• Fyritøkan sum eitt brand: Hvussu tryggir tú, at sjálvt vrakaðir umsøkjarar gerast ambassadørar?
• Starvslýsingar og lýsingar: Hvussu skrivar tú starvslýsingar, sum draga røttu umsøkjararnar at sær?
• Screening og val av umsøkjara: Hvussu sorterar tú effektivt millum umsøkjararnar? Brúkar mann t.d. ChatGPT?

Setanarsamrøður – skapa ein virðismiklan dialog

• Ger eina samrøðuvegleiðing: Frá skipaðum til óskipaðar samrøðum
• Hvussu tryggjar tú eina góðan dialog heldur enn eina próvtøkukenslu?
• Do’s and don’ts í setanarsamrøðuni
• Bias og objektivar metingar í setanartilgongdini

Pre-boarding – fyrireiking áðrenn fyrsta arbeiðsdag

• Hví er pre-boarding líka týdningarmikið sum on-boarding?
• Praktisk ting, sum skulu vera til klár, áðrenn nýggja starvsfólkið byrjar
• Hvussu tryggjar tú, at starvsfólkið kennir seg vælkomið frá fyrsta degi?

On-boarding – skapa eina góða byrjan

• Menning av eini onboarding-ætlan: Hvat skal hon innihalda?
• Hvussu tryggjar tú, at nýggja starvsfólki skjótt kennir seg sum partur av toyminum?
• Tann fyrsta tíðin – hvat er mest umráðandi í ætlanini, nær kanst tú sleppa ætlanini, og hvussu og nær skalt tú fylgja upp?

Uppsøgn – ein torfør, men neyðug disciplin

• Hvussu fremur tú eina uppsøgn á ein virðingarfullan hátt?
• Fyrireiking og samskifti: Savna teg um uppsagda persónin, heldur enn egna óbehag við støðuna
• Hvussu handfer tú tínar egnu kenslur sum leiðari ella HR-leiðari?

Off-boarding – at siga farvæl við virðing

• Hvussu handfer tú eina uppsøgn uttan at skapa skomm?
• Hvussu stuðlar tú bæði tí uppsagda og starvsfeløgunum, sum verða verandi?
• Exit-samrøður: Hvussu fært tú virðismikla vitan frá starvsfólkum, sum eru uppsøgd? Vitan um teirra arbeiðið, sum kanska bara tey kenna til.

Dagur 2

Góða MUS-samrøðan – meira enn eitt árligt átak

• Do’s and don’ts: Hvat skalt tú siga – og hvat skalt tú ikki siga?
• Hvussu tryggjar tú, at MUS-samrøðan skapar virði?
• Hví skalt tú ongantíð koma við atfinningum, tá tú hevur MUS-samrøður?

Uppfylging aftaná MUS-samrøðuni – so at samrøðan fær veruligt virði

• Hvussu sleppur tú undan, at MUS-samrøðan ikki bert blívur ein formalitetur?
• Áhaldandi Feedback og uppfylging: Hvussu gert tú tað til ein natúrligan part av gerandisdegnum?
• Kanst tú gera MUS-samrøður óneyðugar við sterkum samskifti og sálarfrøðiligari trygd?

Samanumtøka og einstaklingaætlan fyri, nær og hvussu tann einstaki luttakarin fer aftur til sína fyritøku ella stovn og brúkar tað, hann hevur lært á skeiðnum.

Dagur 1 | 22. mai kl. 09.00 – 16.00

Dagur 2 | 23. mai kl. 09.00 – 12.00